علماء کے دلچسپ اور مزاحیہ جوابات

1. ایک شخص نے امام شعبی سے پوچھا: "داڑھی پر مسح کیسے کروں؟" امام شعبی نے کہا: "انگلیوں سے داڑھی کو اچھی طرح کنگھی کر لو۔" وہ بولا: "مجھے ڈر ہے کہ داڑھی پھر بھی نہیں بھیگے گی!" امام شعبی نے کہا: "تو پھر رات کو داڑھی کو بالٹی میں ڈال کر سو جاؤ، صبح تک خود ہی تر ہو جائے گی!" 2. ایک بندے نے امام شعبی سے پوچھا: "احرام کی حالت میں کھجلی کر سکتے ہیں؟" امام شعبی نے کہا: "ہاں، کر سکتے ہیں!" وہ بولا: "لیکن کتنی دیر تک کھجلی کر سکتے ہیں؟" امام شعبی نے کہا: "جب تک ہڈی نہ چمکنے لگے، کھجلاتے رہو!" 3. ایک شخص عمر بن قیس کے پاس آیا اور بولا: "اگر مسجد کی کنکریاں میرے کپڑوں، جوتوں یا پیشانی پر لگ جائیں تو کیا کروں؟" عمر صاحب نے کہا: "پھینک دو!" وہ بولا: "لوگ کہتے ہیں کہ کنکریاں واپس مسجد نہ جائیں تو چیختی رہتی ہیں!" عمر صاحب نے کہا: "تو پھر انہیں چیخنے دو، جب تک ان کا گلا بیٹھ نہ جائے!" وہ بولا: "کنکریوں کا بھی گلا ہوتا ہے؟" عمر صاحب نے کہا: "تو پھر وہ چیختی کس چیز سے ہیں، بھائی؟" 4. ایوب کہتے ہیں کہ ایک بندہ حضرت عکرمہ کے پاس آیا اور بولا: "میں نے خواب میں دیکھا کہ فلاں شخص نے مجھ پر زنا کی جھوٹی تہمت لگائی!" حضرت عکرمہ نے ہنستے ہوئے کہا: "تو تم بھی اس کے خواب میں جا کر اس کو کوڑے لگا دینا، حساب برابر ہو جائے گا!" 5. ایک شخص نے امام شعبی سے پوچھا: "ابلیس کی بیوی کا کیا نام ہے؟" امام شعبی نے جواب دیا: "بھائی، ابلیس نے مجھے اپنی شادی پر بلایا نہیں تھا، ورنہ میں اس سے پوچھ لیتا!" 6. ایک آدمی امام ابو حنیفہ رحمۃ اللہ علیہ کے پاس آیا اور بولا: "جب میں کپڑے اتار کر ندی میں غسل کروں، تو چہرہ قبلہ کی طرف رکھوں یا کہیں اور؟" امام صاحب نے کہا: "چہرہ اپنے کپڑوں کی طرف رکھو، ورنہ چور انہیں چرا لے گا!"